मृतकको संख्या ११ सय नाघ्यो, झण्डै पाँच हजार अझै बेपत्ता

रसुवाको भोटेकोशी क्षेत्रमा आएको भीषण बाढीपछि प्रभावित क्षेत्रमा खोज तथा उद्धार कार्य जारी रहेको छ। नेपाल प्रहरीले सार्वजनिक गरेको पछिल्लो विवरणअनुसार ठूलो संख्यामा सुरक्षाकर्मी परिचालन गरी उद्धार जारी राखिएको हो ।

प्रहरीका अनुसार बाढी प्रभावित क्षेत्रमा ७ हजार ९१२ जना प्रहरी परिचालन गरिएको छ। उद्धार तथा राहत कार्यका क्रममा ६५ जना घाइते भएका छन् भने २५ जना अझै सम्पर्कविहीन रहेको विवरणमा उल्लेख छ।

४ हजार ८५८ जना अझै बेपत्ता छन् । जसमा ५८३ विदेशी छन् ।

उद्धार तथा राहतसम्बन्धी विवरणअनुसार हालसम्म ६ हजार ४ सय ९१ जनालाई उद्धार गरिएको छ। उद्धार गरिएकामध्ये ४ हजार २६ जना पुरुष र १ हजार १ सय २२ जना महिला रहेको प्रहरीले जनाएको छ। विदेशी नागरिकको संख्या ५ सय ८० रहेको छ।

विवरणअनुसार मृतकको संख्या ११ सय नाघेको छ । बुधबार बिहानसम्म ११२७ जनाको शव फेला परेको प्रहरीले जनाएको छ । त्यसमध्ये ९५ शव पहिचानपछि परिवारलाई हस्तान्तरण गरिएको छ । बाँकी केही जमिनमुनि गाडेर व्यवस्थापन गरिएको हो ।

खोज तथा उद्धारसँगै घाइतेहरूको उपचार तथा राहत व्यवस्थापनलाई पनि प्राथमिकतामा राखेको प्रहरीले जनाएको छ।