९ मंसिर २०८१, आईतवार
२०७५ पुष २७ गते, शुक्रबार ११:२० मा प्रकाशित
स्पेनिस कोपा डेल रे फुटबल अन्तर्गत अन्तिम १६ को पहिलो लेगमा बार्सिलोना पराजित भएको छ ।
बिहिबार राति लेभान्टेको मैदानमा भएको खेलमा बार्सिलोना लेभान्टेसँग २–१ गोल अन्तरले पराजित भएको हो ।
लेभान्टेका लागि एरिक काबाको र बोर्जा मोयोरलले एक एक गोल गरे । बार्सिलोनाका लागि फिलिपे कौटिन्होले एक गोल गरे ।
खेलको चौथो मिनेटमै काबाकोले गोल गर्दै लेभान्टेलाई अग्रता दिलाए । १८ औं मिनेटमा मोयोरलले गोल गर्दै लेभान्टेको अग्रता दोब्बर पारे । ८५ औं मिनेटमा बार्सिलोनाका कौटिन्होले पेनाल्टीमा एक गोल फर्काएपनि बार्सिलोनाको हार टार्न सकेनन् ।
हारसँगै क्वाटरफाइनलमा स्थान बनाउन बार्सिलोनालाई दोस्रो लेगमा जित्नै पर्ने दबाब बढेको छ ।
दुई टोलीबीचको दोस्रो लेग आगामी बिहिबार (१८ जनवरी) बार्सिलोनाको मैदानमा हुनेछ ।
कोपा डेल रे को पहिलो लेग अन्तर्गत नै भएको अर्को खेलमा सेभियाले एथ्लिट्को बिल्बाओमाथि तीन–एकको जित निकाल्दा रियल सोसिडाड र रियल बेटिस एक–एकको बराबरीमा रोकिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
