डा. केसीले गरे सांसदहरुलाई यस्तो अपिल

होमल्याण्ड खबर

२०७५ माघ ८ गते, मंगलवार १३:२० मा प्रकाशित

त्रिवि शिक्षण अस्पताल महाराजगन्जमा उपचार गराइरहेका अनसररत डा गोविन्द केसीलाई जनरल वार्डबाट गणेशमान सिंह भवनको दोस्रो तलामा रहेको वार्डमा सारिएको छ ।

अस्पतालको आइसियू छोडेर ‘जनरल वार्ड’मा सार्ने क्रममा डा. केसीले चिकित्सा शिक्षा विधेयकलाई जनतामुखी र विद्यार्थीमुखी बनाएर पास गर्न सांसदहरुलाई अपील गरेका छन् ।

संसदको बैठकको पूर्वसंध्यामा शिक्षण अस्पतालको शैयाबाट भिडियो सन्देश खिँदै डा. केसीले विधेयकमा भएका माफियामुखी बुँदाहरु हटाउन आग्रह गरेका छन् । उनले आफूसँग सरकारले गरेको सहमति अनुसार र जनतामुखी र विद्यार्थीमुखी बुँदाहरु थपेर ऐन पारित गर्न सांसदहरुलाई अपील गरेका छन् ।

संसदको बैठक मंगलबार ३ बजे बस्दैछ । बैठकमा शिक्षा तथा स्वास्थ्य समितिको प्रतिवेदनसहित चिकित्सा शिक्षा विधेयक पेश गर्ने कार्यक्रम छ ।

यस्तो छ उनको सम्बोधनः

माननीय सांसदज्यूहरु,

मेरो जानकारीमा आए अनुसार आज संसदमा चिकित्सा शिक्षा विधेयक प्रस्तुत हुँदैछ । त्यसमा जनता र विद्यार्थीमुखी बुँदाहरु हटाएर माफियामुखी बुँदाहरु राखेर समितिबाट पारित गरिएको छ । हामीसँग सम्झौता भएअनुसार जनतामुखी र विद्यार्थीमुखी बुँदाहरु थपेर ऐन ल्याउन माननीयज्यूहरुले सहयोग गर्नुहुनेछ भन्ने आशा राखेको छु र अनुरोध पनि गर्न चाहन्छु ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो