३० कार्तिक २०८१, शुक्रबार
२०७५ माघ १५ गते, मंगलवार १६:५७ मा प्रकाशित
नेपाली कांग्रेसका पूर्वसभापति तथा पूर्वप्रधानमन्त्रीद्वय स्व. गिरिजाप्रसाद कोइराला र सुशील कोइरालाको नाममा रहेका अस्पताल संघीय सरकार मातहतमै रहने भएका छन् ।
नेपाली कांग्रेसले उक्त अस्पतालहरुलाई सरकारले अवमूल्यन गरेको भन्दै संसद् अवरुद्ध र विरोध जनाउँदै आएपछि सोमबार बसेको मन्त्रिपरिषद् बैठकले यस्तो निर्णय गरेको हो ।
यसअघि स्वास्थ्य मन्त्रालयले संघीय सरकार मातहतमा रहने गरी गठनादेशको निर्णयका लागि मन्त्रिपरिषद्मा पठाएका विभिन्न ११ अस्पतालमध्ये तनहुँको गिरिजाप्रसाद कोइराला स्वासप्रश्वास अस्पताल र बाँकेको खजुरास्थित सुशील कोइराला प्रखर क्यान्सर अस्पताललाई सरकारले प्रदेश सरकारको मातहतमा राख्ने निर्णय गरेको थियो ।
सुशील कोइराला प्रखर क्यान्सर अस्पताल ५९ बेडको छ भने गिरिजाप्रसाद कोइराला स्वासप्रश्वास अस्पताल १५ बेडको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
