भक्तपुरमा प्रहरीमाथि नै गोली चलाएपछि इन्काउन्टर गरिएको हो : गृहमन्त्री बादल

होमल्याण्ड खबर

२०७५ माघ २३ गते, बुधबार १४:३७ मा प्रकाशित

गृहमन्त्री रामबहादुर थापा ‘बादल’ले भक्तपुर इन्काउन्टरमा मारिएका अजय तामाङ र गोपाल तामाङले प्रहरीमाथि नै गोली चलाएपछि इन्काउन्टर गरिएको बताएका छन् ।
बुधबार प्रतिनिधिसभामा सांसद देवेन्द्रराज कँडेलले सोधेको प्रश्नको जवाफमा गृहमन्त्री थापाले यस्तो भनेका हुन् ।

जवाफमा गृहमन्त्री थापाले भने, ‘जंगलमा इन्काउन्टर भएको थियो । कति दूरीमा गोली हानियो भन्ने जानकारी छैन । मारिएका दुईजनाले प्रहरीमाथि नै गोली चलाएकाले उनीहरु मारिएका हुन्।’

यहि प्रश्न नेपाली कांग्रेसका सांसद बालकृष्ण खाँडले समेत गरेका थिए । उनको प्रश्नमा समेत गृहमन्त्रीले इन्काउन्टरको आदेश अपराधीले प्रहार गर्दा आत्मरक्षाका लागि सुरक्षाकर्मीले प्रयोग गर्ने बताउँदै स्वतः हान्न सक्ने बताए ।

गत साउन २१ गते ११ वर्षीय बालक निशान खड्काको काठमाडौं काँडाघारीबाट अपहरणमा संलग्न दुईजनाले प्रहरीमाथि नै गोली चलाएपछि अपराध महाशाखाको टोलीले इन्काउन्टर गरेको थियो ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो