१० मंसिर २०८१, सोमबार
२०७५ माघ २९ गते, मंगलवार १०:२९ मा प्रकाशित
भारतमा जारी हिरो गोल्डकप फुटबल प्रतियोगिताको सोमबार राति भएको खेलमा नेपालले भारतलाई २–१ गोल अन्तरले हराएको छ।
भुवनेश्वरको कालिङ्गा रंगशालामा भएको खेलमा भारतलाई हराउदै नेपाली खेलाडी सावित्रा भण्डारी नायक बनिन्। उनले पहिलो हाफको पाँचौ र सातौं मिनेटमा गोल गरिन्।
पहिलो हाफमा २–० ले अगाडि रहेको नेपालले त्यसपछि थप गोल गर्न सकेन। दोस्रो हाफको ८४औँ मिनेटमा भारतका लागि रत्नाबाला देवीले फ्रीकिकमार्फत गोल गरेर खेलमा फर्किने कोशिस गरेपछि पर्याप्त भएन। नेपाल आफ्नो पहिलो खेलमा म्यानमारसँग ३–० गोल अन्तरले पराजित भएको थियो।
साफ र ओलम्पिक छनोटको तयारीस्वरुप भारतले आयोजना गरेको प्रतियोगितामा आयोजक भारतसहित नेपाल, म्यानमार र इरान रहेका छन्।
नेपालले अर्कोखेल बुधबार इरानसँग खेल्ने छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
