१० मंसिर २०८१, सोमबार
२०७५ माघ २९ गते, मंगलवार १२:५१ मा प्रकाशित
तेस्रो संस्करणको धनगढी प्रिमियर लिग क्रिकेट (डीपीएल) मा धनगढी स्टार्स धनगढी सिवाईसी अत्तरियासँग ५ रनले पराजित भएको छ।
मंगलबार फाप्ला क्रिकेट मैदानमा भएको खेलमा साविकको विजेता धनगढी स्टार्स अत्तरियासँग पराजित भएको हो ।
दिपेन्द्र सिह ऐरीको कप्तानीमा रहेको अत्तरियाले दिएको ९६ रनको लक्ष्यसहित जवाफी ब्याटिङ गरेको धनगढीले २० ओभरमा ९ विकेट गुमाएर ९० रन बनाउन सक्यो ।
धनगढीका लागि राजु रिजालले सर्वाधिक २६, रोहन मुस्तफाले १८, सन्दीप रजालीले ११ कप्तान सोमपालले १० रन जोडे ।
अत्तरियाका भुवन कार्कीले ४ र सन्नी पटेलले २ विकेट लिए ।
यसअघि टस जितेर पहिले ब्याटिङ गरेको अत्तरियाले पुरै २० ओभर खेल्दै ५ विकेट गुमाएर ९५ रन बनाएको थियो ।
अत्तरियाका लागि सन्नी पटेलले अविजित रहदै ३५,जयकिशन कोश्लावाला २१, प्रेम तामाङले १२ र कप्तान दिपेन्द्र सिंह ऐरीले ११ रन बनाएर आउट भए ।
धनगढीका रोहन मुस्तफाले २ विकेट लिए । अमीर हायत, सोमपाल कामी र बिपिन खत्रीले १/१ विकेट लिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
