२ मंसिर २०८१, आईतवार
२०७६ श्रावण २२ गते, बुधबार १४:१२ मा प्रकाशित
सांसद महेश बस्नेतले धूलोधूवाँ मुक्त सहर बनाउन काठमाडौं भित्रने गाडीलाई पखालेरमात्रै प्रवेश दिइनुपर्ने तर्क अघि सारेका छन् ।
प्रतिनिधिसभाको बुधबारको बैठकमा खानेपानी तथा सरसफाइसम्बन्धी व्यवस्था गर्न विधेयकमाथिको छलफलमा भाग लिँदै सांसद बस्नेतले काठमाडौं भित्रने गाडीलाई अनिवार्य पखाल्नुपर्ने र ढुंगा, बालुवा बोकेका ट्रकलाई गुड्न रोक लगाइनुपर्ने तर्क अघि सारेका हुन् ।
“सहरमा सोलारबाट चल्ने गाडीहरूलाई प्रोत्साहन गर्ने, सहर पस्ने गाडीहरूलाई धुने पखाल्ने व्यवस्था गर्नुपर्छ,” उनले भने । खानेपानी नआउँदा महसुल तिर्नु नपर्ने र खानेपानीलाई घरेलु उद्योगको रूपमा स्वीकार गरिएको भन्दै उनले विधेयकको स्वागत गरे ।
उत्सर्जित फोहोरको व्यवस्थापन गर्न सांसद बस्नेतले चाउचाउका खोल र पोलिथिन झोला फिर्ता गर्दा एक रूपैयाँ भुक्तानी दिने चलनको विकास गर्नुपर्ने तर्क गरे ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
