कांग्रेस र कम्युनिस्ट पार्टीहरूको मुख देखाउने अवस्था छैन :राप्रपा नेता लिङदेन

होमल्याण्ड खबर

२०७८ मंसिर ९ गते, बिहीबार १३:४२ मा प्रकाशित

राप्रपाका नेता राजेन्द्र लिङदेनले काँग्रेस र कम्युनिस्ट पार्टीहरू ठूला पार्टी भएपनि जनताको अघि मुख देखाउने अवस्थामा नभएको बताएका छन् । पार्टीको आसन्न महाधिवेशनमा अध्यक्ष पदमा आफ्नो उम्मेदवारी घोषणा गर्दै लिङदेनले ठूला पाटीै कांग्रेस र कम्युनिस्ट पार्टीहरू मुख देखाउन नसक्ने अवस्थामा रहेका जिकिर गरेका हुन् ।

“अहिले काँग्रेस र कम्युनिस्ट पार्टीहरू ठूला भए पनि जनताको अगाडि मुख देखाउने अवस्था छैन । त्यसैले राप्रपा अगाडि आउन सक्नुपर्छ । राप्रपा बलियो भएमा हिन्दु राष्ट्र, राजसंस्था पुनर्स्थापना हुन्छ । त्यसैले हामीलाई असफल हुने छुट नै छैन । यो राप्रपाका नेता कार्यकर्ताका लागि अग्नि परीक्षा हो । हामी ३१ वर्षदेखि राप्रपामा रहेको खराबीको अन्त्य गर्न चाहन्छौँ । अब हामी पशुपतिशमशेर राणा, प्रकाशनचन्द्र लोहनी र कमल थापाका कार्यकर्ता हुने कि स्वाभिमानी राप्रपाका कार्यकर्ता बन्ने भन्ने यो सुवर्ण अवसर हो” , उनले भने ।

काँग्रेस–एमालेका युवा नेताले नसकेकाले आफूले आँट गरेको भन्दै उनले राप्रपामा आएको परिवर्तन अन्य पार्टीका लागि पनि सन्देश हुने दाबी गरेका छन् ।

“ काँग्रेस, एमाले र माओवादीका युवा नेताहरूले आँट गर्न सक्नुभएन । नेतृत्व परिवर्तनको धक्कु लगाएर आफ्नो पद मात्र सुरक्षित गर्नुभएको छ । राप्रपाले नेतृत्व परिवर्तन गरेर उदाहरण बन्दै छ” , लिङदेनले बताए । उनले आफ्नो पार्टीमा युवाको उपस्थिति बलियो रहेको र अब हिन्दु राष्ट्र र राजसंस्थाका लागि सडक र सदनबाट अगाडि बढ्ने अठोट समेत गरेका छन् ।

सम्बन्धित खबर

पोखरामा सम्पन्न नेपाल–भारत बैठकले विद्युत खरिद दर बढायो

अनधिकृत रुपमा भूमि दिलाइदिने भ्रमका पछि नलाग्न आयोगको आग्रह

समानुपातिक सांसदको नाम आइतबार निर्वाचन आयोगमा पठाउने एमालेको तयारी

स्थानीयको अवरोधले काठमाडौं उपत्यकाको फोहोर विसर्जन रोकियो

सुनको भाउ तोलामा २ हजार ८ सय रुपैयाँ घट्यो

ओलीका पिताको पशुपति आर्यघाटमा दाहसँस्कार गरिँदै, अस्पतालबाट निकालियो शव