२ मंसिर २०८१, आईतवार
२०८१ बैशाख ३० गते, आईतवार १६:०७ मा प्रकाशित
सदनको गतिरोध खुलाउनेलगायतको विषयमा सभामुख–प्रमुख सचेतक र सचेतकबीचको छलफल विनानिष्कर्ष भएको छ ।
सभामुख देवराज घिमिरेले आइतबार आयोजना गरेको बैठकमा प्रतिपक्षी कांग्रेस र सत्तापक्षबीच कुरा मिल्न नसकेको हो ।
संसद् बैठकमा नेपाली कांग्रेसले सहकारी ठगी प्रकरणमा गृहमन्त्री रवि लामिछानेमाथि संसदीय छानबिन हुनुपर्ने अडान राख्दै सदन अवरुद्ध गर्दै आएको छ । यसैकारण शुक्रबारको बैठक पनि अवरुद्ध भयो ।
मंगलबारको संयुक्त सदनमा सरकारको नीति तथा कार्यक्रम पेश हुने तालिका छ । त्यसबेला सदनको अवरोध हटाउनेलगायतका विषयमा सभामुखले कानूनमन्त्री र प्रमुख दलका सचेतकहरूसँग छलफल गरेका हुन् ।
बैठकबाट बाहिरिँदै नेपाली कांग्रेसका मुख्य सचेतक रमेश लेखकले गृहमन्त्री लामिछानेमाथि संसदीय छानबिन हुनुपर्ने आफूहरूको अडान सभामुखसमक्ष दोहोर्याएको बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
