२५ आश्विन २०८३, आईतवार
२०८३ आश्विन २५ गते, आईतवार १३:२३ मा प्रकाशित
नेपाली कांग्रेसका सभापति एवं पूर्वप्रधानमन्त्री शेरबहादुर देउवाले गोरखाको बुढीगण्डकी नदीमा आएको विनाशकारी बाढीबाट नदी किनारका बस्तीहरूमा पुगेको असरप्रति गम्भीर दुःख व्यक्त गरेका छन् ।
सामाजिक सञ्जालमार्फत आफ्नो धारणा सार्वजनिक गर्दै पूर्वप्रधानमन्त्री देउवाले बाढीका कारण तटीय क्षेत्रका नागरिकले भोग्नुपरेको समस्याप्रति चिन्ता प्रकट गरेका हुन् ।
देउवाले बुढीगण्डकी र त्रिशूली नदीको तटीय क्षेत्र तथा किनारका जोखिमयुक्त बस्तीमा बसोबास गर्ने सम्पूर्ण नागरिकहरूलाई उच्च सतर्कता अपनाउन र सुरक्षित स्थानमा स्थानान्तरण हुन आग्रह गरेका छन् ।
अविरल वर्षा र उच्च हिमाली भागमा पहिरो खसेर नदी थुनिएपछि आज बिहान बुढीगण्डकी नदीमा भीषण बाढी आएको थियो, जसका कारण तल्लो तटीय क्षेत्रका थुप्रै घरटहरा तथा पूर्वाधारहरूमा क्षति पुगेको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
