सुकुम्वासीको समस्या ठुलो समस्या नै होइनन् : प्रधानमन्त्री ओली

होमल्याण्ड खबर

२०७६ बैशाख ८ गते, आईतवार ११:२५ मा प्रकाशित

प्रधानमन्त्री केपी शर्मा ओलीले सुकुम्वासीका समस्या समाधान नगरेका कारण ठूलो देखिएको बताएका छन् ।

नवलपुर जिल्लाको कावासोती नगरपालिका वडा नम्बर ३ मा नमुना सदरमुकामको शनिबार शिलान्यास गर्दै प्रधानमन्त्री ओलीले सुकुम्बासीको समस्या ठूलो समस्या नै नभएको बताए ।उनले भने,‘सुकुम्वासीको समस्या ठुलो समस्या नै होइनन् । समाधान नगरेर बनेका हुन् ।’
घरखेत नभएका नै वास्तविक सुकुम्वासी भएको भन्दै उनले वास्तविक सुकुम्वासीको पहिचान गरेर समस्या समाधान गरिने बताए ।

उनले भने,‘कावासोतीमा घर छ, बर्दघाटनमा गएर घडेरी कब्जा गर्यो भनेर सुकुम्वासी हुने पनि चलन छ । नारायणघाटमा ४ तले घर छ यहाँ आउँदा घडेरी छैन भने यहाँ सुकुम्वासी । यहाँ पनि एउटा घडेरी लिने । त्यो पनि चलन छ । त्यस्तो सुकुम्वासी होइन । वास्तविक सुकुम्वासीको समस्या समाधान गरिन्छ ।’

प्रधानमन्त्री ओलीले प्रदेशका विकास निर्माण लगायतका काममा जिम्मेवार ढंगले प्रस्तुत हुन मुख्य मन्त्रीलाई सुझाव दिए । उनले आफ्नो प्रदेशको आवश्यकता र विकासका सम्बन्धमा केन्द्र सरकारका अगाडि शर्त राखेर गैर जिम्मेबार नबन्न मुख्य मन्त्रीलाई सुझाव दिएका छन् । योजनाबद्ध र दीर्घकालिन दृष्टिकोण राखेर सरकारले विकासका कामहरुमा अघि बढाएको उल्लेख गर्दै उनले निकट भविष्यमा नै मुलुकका संभाव्य सबै स्थानमा जलमार्ग सुरु गरिने दावी गरे ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो