११ मंसिर २०८१, मंगलवार
२०७६ आश्विन १२ गते, आईतवार १०:१० मा प्रकाशित
नेपालमा जारी तेस्रो संस्करणको साफ यू–१८ फुटबल च्याम्पियनसिपको उपाधिका लागि आज आइतबार भारत र बंगलादेशबीच प्रतिस्पर्धा हुँदैछ ।
फाइनल खेल काठमाडौंको हल्चोकस्थित शसस्त्र प्रहरी बल एपीएफको मैदानमा दिउँसो साढे २ बजेदेखि सुरु हुनेछ ।
सेमिफाइनल खेलमा भारतले माल्दिभ्सलाई ४–० र बंगलादेशले भुटानलाई ४–० ले हराएका थिए ।
दुवै टिम पहिलो पटक च्याम्पियन बन्ने लक्ष्यमा हुनेछन् । भारत सन् २०१५ मा भएको पहिलो संस्करणको उपविजेता हो भने बंगलादेश दुई वर्षअघि भएको दोस्रो संस्करणको उपविजेता हो ।
अघिल्ला दुई संस्करणको उपाधि भने नेपालले जितेको थियो । घरेलु मैदानमा भएको प्रतियोगितामा भने नेपाल समूह चरणबाटै बाहिरिएको थियो ।
फाइनलअघि बिहान साढे १० बजेदेखि एन्फा कम्प्लेक्स मैदानमा हुने तेस्रो स्थानको प्लेअफ खेलमा भुटान र माल्दिभ्स खेल्दैछन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
