अवहेलना मुद्दामा लिखित जवाफ दिन सर्वोच्च पुगे दाहाल

होमल्याण्ड खबर

२०७७ फाल्गुन १६ गते, आईतवार ११:४८ मा प्रकाशित

नेकपा प्रचण्ड –नेपाल समूहका अध्यक्ष पुष्पकमल दाहाल  ‘प्रचण्ड’ अदालतको अपहेलना मुद्दाको लिखित जवाफ सहित सर्वोच्च अदालत पुगेका छन् । उनी अवहेलना मुद्दामा लिखित जवाफ दिन केहीबेरअघि अदालत पुगेका हुन् ।

प्रचण्डले गत माघमा विराटनगरको सभामा अदालतमा विचाराधीन मुद्दाका विषयमा दिएको अभिव्यक्तिविरूद्ध अधिवक्ता समिर हायूले मुद्दा दर्ता गरेका थिए।

प्रचण्डले पटक–पटक अदालत र न्यायाधीशहरुलाई लक्षित गरी धम्कीपूर्ण अभिव्यक्ति दिएको निवेदक हायूको आरोप छ । प्रचण्डले सर्वोच्चमा मुद्दा परेका कारण धैयर्तापूर्वक बसेको बताएका थिए।

उक्त मुद्दामा सुनुवाइ गर्दै न्यायाधीश मनोजकुमार शर्माको एकल इजलासले आफैँ लिखित जवाफ पेस गर्न आदेश दिएको थियो । सोही आदेशअनुसार जवाफ लिएर प्रचण्ड अदालत जान लागेका हुन् ।

यसअघि प्रधानमन्त्री केपी शर्मा ओलीले पनि सर्वोच्चमा उपस्थित रहेरअदालतको अपहेलना मुद्दाको लिखित जवाफ दिइसकेका छन्।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल