२८ फाल्गुन २०८२, बिहीबार
२०७८ असार ३ गते, बिहीबार ०८:३५ मा प्रकाशित
नेपाली कांग्रेस केन्द्रीय समितिको बैठक आज बस्दैछ । पार्टी केन्द्रीय कार्यालय सानेपामा दिउँसो २ बजे बस्ने बैठकमा पार्टीको १४औँ महाधिवेशन र समसामयीक राजनीतिक विषयमा छलफल हुने बताइएको छ ।
बैठक विशेष गरी पार्टीको १४ औं महाधिवेशन कसरी सम्पन्न गर्ने भन्ने विषयमा केन्द्रित रहने नेताहरूले बताएका छन् ।
गत शनिबार सभापति शेरबहादुर देउवाको निवासमा बसेको पदाधिकारी बैठकले पार्टीको महाधिवेशन भदौ १६ देखि १९ गतेसम्म काठमाडौँमा गर्ने प्रस्ताव गरेको थियो ।
पदाधिकारी बैठकको प्रस्तावमा छलफल गरी केन्द्रीय समितिले अन्तिम निर्णय गर्नेछ ।
यसअघि भदौ ७ गतेदेखि महाधिवेशन गर्ने कार्यतालिका कोरोना महामारीका कारण प्रभावित भइसकेको छ ।
कांग्रेसले १० लाख क्रियाशील सदस्य बनाउने लक्ष्य राखेकोमा अहिलेसम्म क्रियाशील सदस्यको संख्या ८ लाख पुगेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
