१० मंसिर २०८१, सोमबार
२०७५ फाल्गुन ७ गते, मंगलवार ११:१५ मा प्रकाशित
एजेन्सी । पाउल पोग्बाको उत्कृष्ट प्रदर्शन प्रेरित म्यानचेस्टर युनाइटेडले चेल्सीलाई पराजित गर्दै एफए कपको क्वाटरफाइनलमा स्थान बनाएको छ । आज बिहान सकिएको पाँचौ चरणको खेलमा म्यानचेष्टरले चेल्सीमाथि २–० को जित निकालेको हो । म्यानचेष्टरको जितमा पाउल पोग्वाले उत्कृष्ट प्रदर्शन गर्दै १ गोल गर्दा अर्को गोल एन्द्रे हरेराले गरेका थिए ।
चेल्सीको घरेलु मैदान स्टामफोर्ड ब्रिजमा ३१ औं मिनेटमा म्यानचेष्टरले अग्रता लिएको थियो । पोग्बाको पासमा हरेराले गोल गर्दै म्यानचेष्टरलाई अग्रता दिलाएका थिए । पहिलो हाफको अन्तिम समयमा पोग्बाले गोल गर्दै टोलीको अग्रता दोब्बर पारे । मार्कस रासफोर्डको क्रसमा पोग्बाले हेडरमार्फत् गोल गरेका थिए ।
दोस्रो हाफमा घरेलु टोलीले पुनरागमनको प्रयास गरेपनि सफल हुन नसक्दा एफए कपबाट बाहिरिएको छ । युनाइटेडले अब क्वाटरफाइनलमा वुल्भससँग प्रतिस्पर्धा गर्नेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
