१ मंसिर २०८१, शनिबार
२०७५ फाल्गुन १९ गते, आईतवार १३:१३ मा प्रकाशित
पूर्व प्रधानमन्त्री तथा काँग्रेस सभापति शेरबहादुर देउवाले नेकपा नेता भरतमोहन अधिकारीको निधनप्रति दुःख व्यक्त गरेका छन् ।
आइतबार एक शोक वक्तव्य जारी गर्दै देउवाले मुलुकले एक असल र अनुभवी राजनीतिज्ञ गुमाएको र व्यक्तिगत रुपमा आफूले एक सहृदयी मित्र गुमाएको उल्लेख गरेका छन् ।
‘पञ्चायतको अन्त्य र प्रजातन्त्र स्थापनाका लागि अनवरत संघर्षमा उहाँको भूमिकासंगै यो क्षण म राजनैतिक सहकार्यको संस्कृति निर्माणमा उहाँले पुर्याउनु भएको योगदान स्मरण गरिरहेको छु’, देउवाले भनेका छन् ।
देउवाले अधिकारीको निधनप्रति आफ्नो व्यक्तिगत एवं नेपाली कांग्रेस पार्टी परिवारकै तर्फबाट गहिरो शोक व्यक्त गर्दै नेपाल कम्युनिष्ट पार्टी एवं उहाँको परिवारजनप्रति समवेदना व्यक्त गरेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
