१० मंसिर २०८१, सोमबार
२०७५ फाल्गुन २० गते, सोमबार १०:४० मा प्रकाशित
एजेन्सीः इङ्ग्लिश प्रिमियर लिग फुटबलमा उपाधि दाबेदार क्लब लिभरपुल एभर्टनसंग बराबरीमा रोकिएको छ ।
एभर्टनको मैदानमा आइतबार भएको खेलमा लिभरपुलले एभर्टनसंग गोलरहित बराबरी खेल्दै अंक बाडेको हो ।
घरेलु टोलीमाथि बल पोजिसनमा पकड जमाएपनि लिभरपुलका फरवार्ड गोल गर्न चुके । यस्तै मोहमद सलाह लगायतका खेलाडीको प्रहार एभर्टनका किपर जोर्डन पिकफोर्डले उत्कृष्ट बचाऊ गरेका थिए ।
बराबरीसँगै लिभरपुलले शीर्ष स्थानमा उक्लने मौका गुमाएको छ । दोस्रो स्थानको लिभरपुलले २८ खेलबाट ७० अंक जोडेको छ । एभर्टनलाई पराजित गरेको भए लिभरपुल शीर्ष स्थानमा उक्लने थियो । दशौं स्थानको एभर्टनले ३७ अंक जोडेको छ ।
लिभरपुल बराबरीमा रोकिदा म्यानचेस्टर सिटीलाई भने फाइदा पुगेको छ । लिभरपुल रोकिएपछि शीर्ष स्थानको सिटीले १ अंकको अग्रता बनाएको छ । सिटीको ७१ अंक छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
