१० मंसिर २०८१, सोमबार
२०७५ फाल्गुन ३० गते, बिहीबार १०:४५ मा प्रकाशित
क्रिस्टियानो रोनाल्डोको टिम जुभेन्टस च्याम्पियन्स लिगको क्वाटरफाइनल पुगेको भोलिपल्टै लियोनेल मेस्सीको टिम बार्सिलोना पनि लिगको क्वाटरफाइनल पुगेको छ । गएराती नोउ क्याम्पमा भएको खेलमा बार्सिलोनाले लियोनलाई ५–१ ले पराजित गरेको छ । नोउ क्याम्प बार्सिलोनाको होमग्राउण्ड हो जहाँ बार्सिलोनाले पछिल्ला ३० खेलमा एउटा पनि हारेको छैन । उसले २७ खेल जितेको छ र ३ खेल बराबरी भएका छन् ।
क्वाटरफाइनलमा बार्सिलोनासहित, जुभेन्टस, अजाक्स, लिभरपुल, म्यान्चेस्टर सिटी, म्यान्चेस्टर युनाइटेड, पोर्टो र टोटनह्यामले स्थान पक्का गरेका छन् । बार्सिलोनाले यो प्रतियोगितामा अहिलेसम्म एउटा पनि खेल हारेको छैन । उसले ८ खेल खेलेकोमा ५ खेल जितेको छ र ३ खेल बराबरी भएका छन् । गएरातीको खेलमा कप्तान लियोनेल मेस्सीले २ गोल गरे । फिलिप कोन्टिन्हो, गेरार्ड पिक र उस्माने डेम्बेलेले १–१ गोल गरे ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
