राप्रपा र सरकारबीच वार्ताः २२ बुँदे माग टेबुल भयो, अर्को मिति तोकिएन

होमल्याण्ड खबर

२०७६ बैशाख १० गते, मंगलवार १५:१२ मा प्रकाशित

राष्ट्रिय प्रजातन्त्र पार्टी र सरकारबीचको वार्ता सकिएको छ ।
मंगलबार १ः३० बजेदेखि कानून, न्याय तथा संसदीय मामिला मन्त्रालयमा भएको वार्तामा २२ बुँदे माग टेबुल गर्दै सकिएको हो ।
धर्म निरपेक्षता खारेजीलगायतका माग राख्दै मन्त्रालयमा पुगेको राप्रपा र सरकारबीच सैद्धान्तिक विषयमा भने छलफल हुन सकेन र अर्को मिति सहमतिमा तोक्ने भन्दै वार्ता सकियो ।
वार्तामा सरकारी वार्ता टोलीका संयोजक कानूनमन्त्री भानुभक्त ढकालले संघीय लोकतानित्रक गणतन्त्र अतिक्रमित हुने मागमा पुनर्विचार गर्न राप्रपालाई आग्रह गरेको बताइएको छ ।
यस्तै वार्तापछि संचार माध्यमसंग कुराकानी गर्दै प्रचार विभाग प्रमुख मोहन श्रेष्ठले २२ सूत्रीय मागका विषयमा कुरा राखेको, धर्म निरपेक्षता खारेजी, गोलमेच सम्मेलनजस्ता नीतिगत विषयमा पुनः छलफल गर्ने सहमति भएको जानकारी दिए ।
अर्को बैठकको मिति नतोके पनि ५र६ दिनमा बस्ने उनको भनाई थियो ।
वार्तामा राप्रपाको तर्फबाट पार्टीका वरिष्ठ नेता दिपक बोहराको संयोजकत्वमा महामन्त्री राजेन्द्र लिङ्देन र नेता निरञ्जन थापा थिए भने सरकारको तर्फबाट कानुन न्याय तथा संसदिय व्यवस्था मन्त्री भानुभक्त ढकाल लगायतको उपस्थिति रहेको थियो ।
सरकारसँगको वार्तापछि राप्रपाले आन्दोलनको कार्यक्रम स्थगित गरेको छ ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो