१० मंसिर २०८१, सोमबार
२०७६ बैशाख २२ गते, आईतवार ११:०७ मा प्रकाशित
इंग्लिस प्रिमियर लिग फुटबलमा लिभरपुलले न्युक्यासल युनाईटेडलाई पराजित गर्दै शीर्ष स्थानमा उक्लिएको छ ।
शनिबार राति भएको खेलमा न्युक्यासल युनाईटेडलाई ३–२ गोल अन्तरले पराजित गर्दै लिभरपुलले शीर्ष स्थानमा उक्लिएको हो ।
लिभरपुलका लागि भर्जिल भान डाइक, मोहम्मद सलाह र डिभक ओरिजीले एक एक गोल गरे । न्यु क्यासलका लागि क्रिस्टियन अट्सु र जोसे सलोमन रन्डमले एक एक गोल गरे ।
खेलको १३ औं मिनेटमा डाइकले गोल गर्दै लिभरपुललाई सुरुवाती अग्रता दिलाए । २० औं मिनेटमा न्यु क्यासलका क्रिस्टियनले गोल गर्दै खेल बराबरीमा ल्याएका थिए । २८ औं मिनेटमा सलाहले गोल गर्दै पुन लिभरपुललाई अग्रता दिलाए ।
५४ औं मिनेटमा न्यू क्यासलका रन्डमले गोल गर्दै खेल २–२ को बराबरीमा ल्याएका थिए । ८४ औं मिनेटमा बैकल्पिक खेलाडीको रुपमा मैदान छिरेका ओरिजीले गोल गर्दै लिभरपुललाई हत्वपुर्ण जित दिलाए ।
प्रिमियर लिग अन्तर्गत शनिबार राति नै भएका अन्य खेलमा क्रिष्टल प्यालेसले कार्डिफ सिटीमाथि ३–२ ले हराएको छ भने वेस्टह्यामले साउथ ह्याम्पटनमाथि ३–० को जीत दर्ता गरेको थियो ।
यसैगरी वर्नमाउथले टोटनह्याम र उल्भरह्याम्पटनले फुलह्याम माथि समान १–० को जित दर्ता गरे ।
लिभरपुलको पछिल्लो जितले दोस्रो स्थानको म्यानचेष्टर सिटीमाथि दबाब थपिएको छ ।
अब लिग विजेता टोलीको टुङ्गो अन्तिम खेलले तय गर्नेछ ।
शीर्ष स्थानको लिभरपुलले ३७ खेलबाट ९४ अंक जोडेको छ । एक खेल कम खेलेको सिटी ९२ अंक सहित दोस्रो स्थानमा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
