१० मंसिर २०८१, सोमबार
२०७६ बैशाख ३० गते, सोमबार १०:१५ मा प्रकाशित
एजेन्सीः १२ औं संस्करणको इण्डियन प्रिमियर लिग (आईपीएल) क्रिकेटको उपाधि मुम्बई इन्डियन्सले जितेको छ ।
हैदरावादस्थित राजिब गान्धी क्रिकेट स्टेडियममा आइतबार भएको फाइनल खेलमा साविकको विजेता चेन्नई सुपर किङ्सलाई १ रनले पराजित गर्दै मुम्बईले उपाधि जितेको हो ।
खेलमा मुम्बईले दिएको १५० रनको सामान्य लक्ष्य पछ्याएको चेन्नईले पुरै २० ओभर खेल्दै ७ विकेट गुमाएर १४८ रन मात्र बनाउन सक्यो ।
त्यस्तै चेन्नईका लागि सेन वाट्सनले ८० रनको अर्धशतकीय इनिङ्स खेलेपनि टोलीलाई जित दिलाउन सकेनन् । यस्तै चेन्नईका फाप डु प्लेसिसीले २६ तथा ड्याने ब्राभोले १५ रन बनाए । कप्तान महेन्द्र सिंह धोनी २ रनमा आउट हुँदा अन्य ब्याट्सम्यानले पनि उलेख्य रन जोड्न सकेनन् ।
मुम्बईका लागि जस्प्रित बुम्राहले २ विकेट लिए । यस्तै लासिथ मलिंगा, राहुल चाहल र हार्दिक पाण्डयले एक एक विकेट लिए ।
मुम्बईको जितमा मलिंगाले अन्तिम ओभरमा उत्कृष्ट बलिङ गरे । चेन्नईलाई जितका लागि अन्तिम ओभरको ६ बलमा ९ रन आवश्यकता रहेको थियो । तर, मलिंगाले एक रन आउटसहित २ विकेट लिएर ७ रन खर्चेर मुम्बई लाई च्याम्पियन बनाए ।
यसअघि टस जितेर पहिले ब्याटिङ गरेको मुम्बईले २० ओभरमा ८ विकेट गुमाएर १४९ रन बनाएको थियो । मुम्बईका लागि केइरन पोलार्डले सर्वाधिक ४१ रन जोडे । यस्तै क्विनटन डी ककले २९ तथा इशान किशनले २३ रन बनाए ।
यो संगै मुम्बईले कीर्तिमानी चौंथो पटक आईपीएलको उपाधि जितेको छ । यस्तै मुम्बईले यस सिजन चेन्नईलाई लगातार चौंथो खेलमा पराजित गर्दै उपाधि हात पार्यो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
