भ्रष्टाचार गरेको प्रमाणित भए जस्तो सुकै कारवाही भोग्न तयार छुः निर्देशक घिसिङ

होमल्याण्ड खबर

२०७६ जेष्ठ ७ गते, मंगलवार १५:४७ मा प्रकाशित

नेपाल विधुत प्राधिकरणका कार्यकारी निर्देशक कुलमान घिसिङले आफूले भ्रष्टाचार गरेको प्रमाणित भए जस्तो सुकै कारवाही भोग्न तयार रहेको बताएका छन् ।

मंगलबार संघीय संसदको सार्वजनिक लेखा समितिको बैठकमा बोल्दै सत्तारुढ नेकपाका सांसद अमनलाल मोदीले लगाएको आरोप प्रमाणित भए आफू जस्तो सुकै कारवाही भोग्न तयार रहेको बताएका हुन् ।

डेडिकेटेड फिडर तथा ट्रंकलाइन उपयोग गर्ने उधोगी तथा व्यापारीहरुसँग बक्यौता रकम असुली गर्ने नाममा ९ अर्ब बढी भ्रष्टाचार गरेको आरोप लगाएपछि घिसिङले त्यो आरोप प्रमाणित भए आफू कारवाही भोग्न तयार रहेको बताएका हुन् ।

सार्वजनिक लेखा समितिको बैठकमा बोल्दै घिसिङले भने, ‘मैले कुनै भ्रष्टाचार गरेको प्रमाणित भए जस्तो सुकै कारवाही भोग्न तयार छु, (छानबिन) सम्बन्धित निकायले गर्ला ।
उनले भने, ‘सांसद भए भन्दैमा अनावश्यक चार्ज नगर्नुहोला, सबैकुरा छानबिन भएको छ, सम्बन्धित निकायले छानबिन गरेको छ ।’
घिसिङले सांसद भएको आधारमा जे पनि आरोप लगाउन नपाइने बताएका छन् ।

सम्बन्धित खबर

सार्वजनिक पदाधिकारीको सम्पत्ति विवरण सार्वजनिक गर्न सूचना आयोगको सुझाव

परराष्ट्रमन्त्री राणा चीन प्रस्थान

चुरियामाई उकालोमा कन्टेनर पल्टिँदा पूर्वपश्चिम राजमार्ग अवरुद्ध

बाराको रामराजा क्याम्पस प्रमुखको हत्यामा संलग्न मुख्य आरोपी पक्राउ

उद्योगहरूको बिजुली नकाट्ने प्राधिकरण बोर्डको निर्णय

कीर्तिपुरमा जित सुनिश्चित बनाउँदै माओवादी