१० मंसिर २०८१, सोमबार
२०७६ जेष्ठ १५ गते, बुधबार १०:२० मा प्रकाशित
एजेन्सीः एकदिवसिय विश्वकपको अभ्यास खेलमा भारतले बंगलादेशलार्ई ९५ रनले पराजित गरेको छ । विश्वकप तयारीका लागि मंगलबार राति खेलिएको अभ्यास खेलमा भारत सजिलै विजय भएको हो ।
तीन सय ६० रनको विशाल लक्ष्य पछ्पाएको बंगलादेशले ४९.३ ओभरमा सबै विकेट गुमाएर दुई सय ६४ रन बनाएको थियो ।
बंगलादेशका लागि मुश्फिकुर रहिमले सर्वाधिक ९० रन बनाए । यस्तै लिटन दासले ७३, मेहेदी हसन मिराजले २७, सौम्य सरकारले २५, मोहम्मद सैफुद्धीनले १८ रन बनाएका थिए । बलिङमा भारतका कुलदिव यादव र युजवेन्द्र चाहलले तीन तीन विकेट लिए ।
यसअघि टस हारेर पहिले ब्याटिङ गरेको भारतले निर्धारित ५० ओभरमा सात विकेटको क्षतिमा तीन सय ५९ रन बनाएको थियो ।
भारतका लागि महेन्द्रसिंह धोनीले एक सय १३ रन र केएल राहुलले एक सय ८ रनको शतकीय प्रदर्शन गरे । कप्तान विराट कोहलीले ४७, हार्दिक पाण्ड्याले २१, रोहित शर्माले १९ र रविन्द्र जडेजाले ११ रन बनाए ।
बंगलादेशका रुवेल हसन र सकिव अल हसनले दुई दुई विकेट लिए । मुस्ताफिजुर रहमान, मोहम्मद सैफुद्धीन र सब्बीर रहमानले एक एक विकेट झारेका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
