१ मंसिर २०८१, शनिबार
२०७६ जेष्ठ २० गते, सोमबार १६:४४ मा प्रकाशित
नेत्रविक्रम चन्द विप्लव नेतृत्वको नेकपाका कार्यकर्ताहरुले सोलुखुम्बुको महाकुलुङ गाउँपालिका–३ छेस्कामस्थित प्रहरी चौकी कब्जाको प्रयासपछि प्रहरी र सेनाको टोली खटिएको भन्ने समाचारको नेपाली सेनाले खण्डन गरेको छ ।
नेपाली सेनाका प्रवक्ता विज्ञानदेव पाण्डेले सोलुखुम्बु घटनापछि नेपाली सेनाको टोली परिचालन नभएको प्रष्ट पारेका छन् ।
उनले सेनाको टोली परिचालन भयो भनेर विभिन्न सञ्चारमाध्यममा आएका समाचारहरुमा कुनै सत्यता नभएको बताएका छन् ।
१९ गते आइतबार राति १२ बजे ३० जना जतिको समूहमा आएका विप्लवका कार्यकर्ताहरुले प्रहरी चौकी कब्जाको प्रयास गरेपछि त्यहाँ कार्यरत सातजना प्रहरी हतियारसहित सुरक्षितस्थल तर्फ गएको स्थानीयहरुले बताएका थिए ।
सदरमुकाम सल्लेरीबाट २५ कोस टाढा रहेको मोटरबाटो नपुगेको उक्त दुर्गम स्थानमा आइतबार रातभर प्रहरी चौकीमा बसेका विप्लवका कार्यकर्ता सोमबार बिहानै संखुवासभातर्फ गएको स्थानीयले बताएका छन् ।
छेस्काम प्रहरी चौकी को विषयमा समाचारमा आएजस्तो कब्जा प्रयास नभएको र अहिले अनुसन्धान भइरहेको जिल्ला प्रशासन कार्यालय सोलुखुम्बुले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
