संसदमा गगन थापा व्यङ्गः एक वर्षमा कतिवटा किताब पढ्न पाउने हो, कोटा तोकिदिनुहोस्

होमल्याण्ड खबर

२०७६ असार ८ गते, आईतवार १५:४० मा प्रकाशित

नेपाली कांग्रेसका सांसद गगन थापाले सरकारले पुस्तक आयातमा भन्सार लगाएर ज्ञानमा नियन्त्रण गर्न खोजेको आरोप लगाएका छन् ।

प्रमुख प्रतिपक्षी दलका युवा नेता तथा सांसद गगन कुमार थापाले सरकारले किताबमा लगाएको भन्सार महसुलप्रति विरोध गरेका छन् । प्रतिनिधिसभाको आइतबारको बैठकको शून्य समयमा बोल्दै सरकारले किताबमा लगाएको भन्सार महसुसप्रति विरोध गरेका हुन् ।

उनले नेपालीले एक वर्षमा कतिवाटा कतिवटा किताब पढ्न पाउने हो ? भन्दै त्यसको कोटा तोकिदिन सरकारलाई व्यंग्य समेत गरे । ‘विदेशबाट आउने नेपालीले एक पटकमा कतिवटा पुस्तक ल्याउन पाउने कोटा तोकिदिनुस् । त्यसको अनुगमन गर्न विमानस्थल लगायतका ठाउँमा सुरक्षा जाँच कडा गर्नुस् । किताब बढी ल्याउनेलाई दण्ड जरिवाना गर्नुस् उनले भने, ‘त्यसमा पनि किताब नपढी नेपालीले नछाड्ने भए भने सरकारले नागरिकले एक वर्षमा कतिवटा किताब पढ्न पाउने हो, त्यसकै कोटा तोकिदिनुस् ।’

थापाले नयाँ बजेटले व्यवस्था गरेको किताब आयातमा १० प्रतिशत भन्सार महसुलले स्वेदशी मुद्रण उद्योगलाई फाइदा पुग्ने तर्कमा कुनै दम नभएको दाबी पनि गरे । उनले भने, ‘किताब आयातको अंकले भन्छ– राजस्व संकलनमा यसले टेवा र्पुयाउनेमा त झनै दम छैनु, त्यसैले यो कामको एउटै उद्देश्य देखिन्छ, किताबलाई महंगो बनाउँदै किताबमा नियन्त्रण गर्नु,कालान्तरमा ज्ञानमा नियन्त्रण गर्नु।’

उनले तर विदेशबाट आउने नेपालीले भन्सार नतिर्नेगरी धेरै किताब लिएर आउने गरे भने सरकारको चाहना पूरा नहुन सक्छ भन्दै व्यग्य समेत गरे ।
आर्थिक वर्ष ०७६र७७ को बजेटमा विदेशमा प्रकाशित पुस्तकमा लगाइएको १० प्रतिशत भन्सारको विरोध गर्दै थापाले यस्तो धारणा राखेका हुन ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो