१० मंसिर २०८१, सोमबार
२०७६ असार २३ गते, सोमबार ११:३९ मा प्रकाशित
एसीसी यू–१९ इस्टर्न रिजन क्रिकेटको पहिलो सेमिफाइनलमा आयोजक मलेसियालाई पराजित गर्दै नेपाल फाइनलमा प्रवेश गरेको छ । सोमबार भएको खेलमा नेपालले मलेसियालाई ७ विकेटले पराजित गर्दै फाइनलमा स्थान पक्का गरेको हो ।
क्वालालम्पुरस्थित किनरारा ओभलमा मलेसियाले दिएको ८८ रनको सामान्य लक्ष्य पछ्याएको नेपालले १५ ओभर ५ बलमा ३ विकेट गुमाउँदै ९० रन बनायो ।
नेपालका लागि भिम सार्कीले सर्वाधिक ३३ रनको योगदान गरे । त्यस्तै नेपालका कप्तान रोहितकुमार पौडेलले ३१ रन जोड्दा पवन सर्राफले १८ रनको योगदान गरे । बलिङतर्फ मलेसियाका लागि मोहम्मद खैरले दुई तथा मोहम्मद अमिरले एक विकेट लिए । यसअघि टस हारेर पहिले ब्याटिङ गरेको मलेसियाले ४० ओभर ५ बलमा सबै विकेट गुमाउँदै ८७ रन बनाएको थियो ।
मलेसियाका लागि मोहम्मद अमिरले सर्वाधिक २४ रनको योगदान गरे । त्यस्तै हइकुल मोहम्मद खेरले १२ रन जोड्दा वान अमिरउल ११ र अहमद अक्मलले १० रनको योगदान गरे ।
बलिङतर्फ नेपालका लागि सागर ढकालले सर्वाधिक तीन विकेट लिए । त्यस्तै कुशल मल्लले दुई विकेट लिँदा तिलकरा भण्डारी, कमल ऐरी र रशिद खानले समान एक–एक विकेट लिए ।
अब नेपालले फाइनल खेलमा हङकङ र सिंगापुरबीचको विजेतासँग प्रतिस्पर्धा गर्नेछ । नेपालले पहिलो खेलमा चीनलाई १० विकेटले हराएको थियो । त्यस्तै दोस्रो खेलमा सिंगापुरलाई २ सय १७ रनको फराकिलो अन्तरले पराजित गरेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
