२ मंसिर २०८१, आईतवार
२०७६ श्रावण १५ गते, बुधबार १७:११ मा प्रकाशित
संस्कृति, पर्यटन तथा नागरिक उड्डयनमन्त्री योगेश भट्टराईले सपथ लिएका छन् ।
प्रतिनिधसभा चुनावमा ताप्लेजुङबाट निर्वाचित भट्टराईलाई प्रधानमन्त्री केपी शर्मा ओलीको उपस्थितिमा राष्ट्रपति विद्यादेवी भण्डारीले सपथ सपथ खुवाएकी हुन् ।
सपथ कार्यक्रममा उपराष्ट्रपति नन्दबहादुर पुन, प्रतिनिधिसभाका सभामुख कृष्णबहादुर महरा, राष्ट्रियसभा अध्यक्ष गणेशप्रसाद तिमिल्सिनालगायतको उपस्थिति थियो ।
गत फागुन १५ गते हेलिकप्टर दुर्घटनामा तत्कालीन मन्त्री रवीन्द्र अधिकारीको निधन भएपछि खाली रहेको यो मन्त्रालय प्रधानमन्त्री आफैले सम्हाल्दै आएका थिए र आज औपचारीक रुपमा भट्टराईलाई नियुक्त गरेका हुन् ।
भट्टराईले नेपाली कांग्रेसका उम्मेद्वार केशवप्रसाद दाहाललाई २ हजार भन्दा बढी मतले पराजित गर्दै प्रतिनिधिसभा सदस्यमा विजयी भएका थिए ।
२०६४ र २०७० सालको पहिलो र दोस्रो संविधानसभा चुनावमा काठमाडौं क्षेत्र नम्बर ६ बाट पराजित भएका नेकपा युवा नेता भट्टराई गत चुनावमा भने आफ्नै जन्मथलो ताप्लेजुङबाट विजयी हाशिल गरेका थिए ।
२०२३ साल भदौ २१ गते ताप्लेजुङको साँगुमा भीमलाल भट्टराई र महेन्द्रादेवी भट्टराईको कोखबाट जन्मिएका भट्टराईले समाजशास्त्र र मानवशास्त्र विषयमा एमए उत्तीर्ण गरेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
