सबैले दिएको बधाई मेरा लागि निक्कै ठूलो चुनौती होः योगेश भट्टराई

होमल्याण्ड खबर

२०७६ श्रावण १६ गते, बिहीबार ११:४४ मा प्रकाशित

नवनियुक्त पर्यटनमन्त्री योगेश भट्टराईले सोसल मिडिया तथा अन्य ठाउँबाट दिएका सम्पुर्ण बधाइ आफ्ना लागि चुनौती भएको बताएका छन् ।

बिहीबार बिहान तत्कालीन एमालेको पार्टी कार्यालय बल्खुस्थित मदन भण्डारीको शालिकमा माल्यार्पण गर्दै मन्त्री भट्टराईले यी सबै बधाईलाई आत्मसाथ गर्दै आफ्नो काममा अत्यन्तै बलियो भएर लाग्ने बताएका छन् ।

कार्यक्रममा बोल्दै उनले भने, ‘सोसल मिडियामार्फत मलाई धेरै ठूलो बधाइ आएको छ, त्यो बधाइ मेरो लागि निक्कै ठूलो चुनौती हो जस्तो मलाई लाग्छ । ती चुनौतीलाई सामनालाई अगाडि बढ्नु मेरो दायित्व हुने छ,।’

साथै उनले आफु असफल भएको महसुस हुनासाथ मन्त्री पद त्याग्ने पनि बताएका छन् ।

सो कार्यक्रममा बोल्दै उनले भने, ‘जुन दिन मैले काम गर्न सकिनँ अथवा म असफल भए भने त्यो दिन प्रधानमन्त्रीले मलाई भन्नु हुनेछ,त्यसपछि म पछाडि हट्छु ।’

उनले नेपाललाई विश्वकै आकर्षक पर्यटकीय गन्तव्यको रुपमा विकास गर्ने आफ्नो लक्ष्य रहेको बताएका छन् ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो