२ मंसिर २०८१, आईतवार
२०७६ भाद्र ९ गते, सोमबार ०९:५२ मा प्रकाशित
आज मन्त्रिपरिषद् बैठक बस्दैछ । बैठकमा प्रधानमन्त्री केपी शर्मा ओलीले सिंगापुरबाटै भिडियो कन्फेरेन्समा सम्बोधन गर्ने भएका छन् ।
मध्यान्ह १२ बजेका लागि बोलाइएको बैठकमा सरकारले गर्नुपर्ने नियमित कामका बारेमा छलफल हुने बताइएको छ ।
उपचारका लागि सिंगापुर गएका प्रधानमन्त्री ओलीले उतैबाट भिडियो कन्फेरेन्समार्फत सम्बोधन गर्ने कार्यक्रम रहेको छ ।
भिडियो कन्फेरेन्समा सिंहदरवारस्थित प्रधानमन्त्री तथा मन्त्रिपरिषद्को कार्यालयमा सबै मन्त्री सहभागी हुने बताइएको छ ।
यसअघि मन्त्रिपरिषद् बैठकले प्रधानमन्त्री सिंगापुर जानुअघि भिडियो कन्फेरेन्सबाटै बैठक सञ्चालन गर्न सकिने व्यवस्था गरेको थियो ।
प्रधानमन्त्री ओलीलाई गत बिहीबार उपचारका लागि केहीसाताकै बीचमा दोस्रो पटक सिंगापुर लगिएको हो । यो उपचार प्रक्रिया अरु केही पटक गरिने बताइएको छ ।
त्यसअघि उनी १० दिन सिंगापुरमा उपचारका लागि गएका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
