२ मंसिर २०८१, आईतवार
२०७६ भाद्र १२ गते, बिहीबार १२:३५ मा प्रकाशित
राजपा नेपालको राजनीतिक समितिको बैठक भोलिदेखि सुरु हुँदैछ ।
राजपा नेपालको विवाद चुलिएसंगै बैठकको मुखमा पार्टीभित्र अध्यक्ष मण्डलका केही सदस्यहरु भने पार्टी नै छोड्नेसम्मको तयारीमा जुटेका छन् ।
यसैबीच राजेन्द्र महतो र शरदसिंह भण्डारी राजपा छोडेर उपेन्द्र यादव र बाबुराम भट्टराई नेतृत्वको समाजवादी पार्टीमा प्रवेश गर्ने तयारीमा रहेको उनीहरुको निकट स्रोतको दाबी छ ।
हिजोमात्रै, भण्डारीनिकट महासचिव केशव झाले भदौ १३ र १४ गतेको लागि बोलाईएको बैठक नै अवैधानिक भएको भन्दै तत्काल बैठक स्थगित् गर्नुपर्ने बताएका थिए ।
उनले अध्यक्ष मण्डलका सदस्यहरुसँग छलफल नगरी बोलाईएको बैठकले पार्टीलाई गतिशिल बनाउनुको साटो झन अप्ठ्यारो र विवादको भूमरीमा फसाउने संकेत गरेका थिए ।
यसअघि पनि राजपा र समाजवादी पार्टीबीच एकताको प्रयास भने चलेको थियो । यसको लागि महतोले विशेष जिम्मेवारी बहन गर्दै राजपाबाट काम गरेका थिए ।
यो बीचमा महतो र समाजवादी पार्टीका केन्द्रिय अध्यक्ष उपेन्द्र यादवबीच धेरै पटक भेटवार्ता भएका छन् । सिँगो राजपा एकता गराउन नसकेपनि आफूलगायत केही प्रभावशाली नेताहरु समाजवादी पार्टीमा प्रवेश गर्नेसमेतको आश्वासन नेता महतोले दिएको बुझिएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
