२ मंसिर २०८१, आईतवार
२०७६ कार्तिक १५ गते, शुक्रबार ०९:५९ मा प्रकाशित
प्रमुख विपक्षी दल नेपाली कांग्रेसले मुलुकको पछिल्लो राजनीतिक अवस्था र उपनिर्वाचनका विषयमा छलफल गर्न केन्द्रीय कार्यसमितिको बैठक बोलाएको छ ।
ललितपुरको सानेपास्थित पार्टी मुख्यालयमा आज दिउँसो बस्ने बैठकमा उपनिर्वाचनको तयारका विषयमा छलफल हुनेछ । नेपाली कांग्रेसका प्रवक्ता विश्वप्रकाश शर्माले उपनिर्वाचनका विषयमा बैठकमा छलफल केन्द्रित रहने बताए ।
नेपाली कांग्रेसले उपनिर्वाचनमा उम्मेदवारहरूको टुंगो लगाउन आन्तरिक छलफल गर्दै आएको छ । टिकटका लागि धेरै नेताहरू आकांक्षी भएपछि टिकट वितरण बन्न कांग्रेसलाई सकस भएको छ ।
सभापति शेरबहादुर देउवाले भ्रातृ संगठनहरूका बारेमा पनि प्रस्ताव राख्न सक्ने नेताहरूले बताएका छन् ।
नेपाल विद्यार्थी संघ (नेविसंघ)को अध्यक्ष र कार्यसमिति बनाउने विषयमा छलफल हुने एक नेताले बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
