११ मंसिर २०८१, मंगलवार
२०७६ कार्तिक २६ गते, मंगलवार १६:२१ मा प्रकाशित
नेपाली महिला राष्ट्रिय भलिबल टोली बंगलादेशमा जारी एसियन महिला सेन्ट्रल जोन भलिबल च्याम्पियनसिपको फाइनलमा प्रवेश गरेको छ । मंगलबार भएको लिगको तेस्रो खेलमा नेपालले घरेलु टोलीलई सोझो सेटमा पराजित गर्दै एक खेल अगावै फाइनल पुग्न सफल भएको हो ।
नेपाली टोलीले यसअघि पहिलो खेलमा अफगानिस्तान र किर्गिस्तानलाई सोझो सेटमा पराजित गरेको थियो । घरेलु टोलीविरुद्ध नेपालले पहिलो सेटमा २७–७ को जित निकालेको थियो । तुलनात्मक रुपमा कमजोर टोलीलाई नेपालले दोस्रो सेटमा नेपालले २५–६ले जितेको थियो ।
नेपालले अन्तिम सेटमा २५–६ को नतिजामा तेस्रो सेट आफ्नो पक्षमा पार्यो । जितसँगै तीन खेलबाट ९ अंक जोड्दै नेपालले फाइनलमा स्थान बनाइसकेको छ । दोस्रो स्थानमो माल्दिभ्सको ८ अंक छ । बिहीबारसम्म चल्ने प्रतियोगितामा नेपालसहित आयोजक बंगलादेश, माल्दिभ्स, किर्गिस्तान र अफगानिस्तान सहभागी छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
