११ मंसिर २०८१, मंगलवार
२०७६ मंसिर १२ गते, बिहीबार १०:२८ मा प्रकाशित
१३ औं दक्षिण एसियाली खेलकुद प्रतियोगिता सागको महिला भलिबलमा नेपालले आज बिहिबार भारतसँग खेल्दैछ ।
समूह चरणको दोस्रो खेलमा नेपालले प्रतियोगिताकै बलियो टिम भारतसँग खेल्न लागेको हो ।
यी दुई टोलीबीचको खेल त्रिपुरेश्वरस्थित कभर्डहलमा साँझ ५ बजे सुरु हुनेछ ।
पहिलो खेलमा बंगलादेशलाई हराएर सेमिफाईनल नजिक पुगेको नेपाली महिला टिमले आज पनि भारतलाई पराजित गरी महिला भलिबलमा स्वर्ण जित्ने लक्ष्य राखेको छ ।
यसअघि दुवै टोली नेपालमै भएको दक्षिण एसियाली महिला भलिबल प्रतियोगितामा भिडेका थिए । सो खेलमा भारतले नेपाललाई सहजै हराउँदै उपाधि जितेको थियो ।
यस्तै आजै साँझ ७ बजे पाकिस्तान र श्रीलंकाबीच प्रतिस्पर्धा हुने तालिका रहेको छ । पाकिस्तानको महिला टिम भने यस प्रतियोगितामा सहभागी छैन् । जसका कारण माल्दिभ्सले बुधबार वाक ओभर पाउँदै स्पष्ट तीन अंक जोडेको थियो ।
यसैगरी आजै पुरुष तर्फको भलिबलमा पनि दुई खेल हुँदैछ । दिउँसो १ बजे पाकिस्तानले माल्दिभ्ससँग तथा ३ बजे भारतले बंगलादेशसँग प्रतिस्पर्धा गर्दैछन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
