११ मंसिर २०८१, मंगलवार
२०७६ पुष १ गते, मंगलवार १५:१६ मा प्रकाशित
शहिद स्मारक ए डिभिजन लिगमा न्यूरोड टिम (एनआरटी) ले विजयी सुरुवात गरेको छ ।
सातदोबाटोस्थित एन्फा कम्प्लेक्समा आज भएको खेलमा एनआरटीले सरस्वती क्लबलाई ४–० ले पराजित गर्दै विजयी सुरुवात गरेको हो ।
एनआरटीका लागि सरोज तामाङले दुई तथा जुनियर ओन्गुएने निकेन्ग्यु र जोर्डन एनडेम्बाले एक एक गोल गरे ।
खेलको ४० औं मिनेटमा जुनियरले हेडमार्फत गोल गर्दै एनआरटीलाई अग्रता दिलाएका थिए । ६९ औं मिनेटमा सरोजले हेडमार्फत नै गोल गर्दै एनआरटीका लागि २–० को अग्रता दिलाए । ८१ औं मिनेटमा तामाङले व्यक्तिगत दोस्रो तथा टिमका लागि तेस्रो गोल गरे । ९० औं मिनेटमा एनडेम्बाले गोल गर्दै एनआरटीलाई ४–० को जित दिलाए ।
लिग अन्तर्गत आजको दोस्रो खेल दशरथ रंगशालामा यति हिमालयन शेर्पा र नेपाल पुलिस क्लबबीच प्रतिस्पर्धा भइरहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
