१० मंसिर २०८१, सोमबार
२०७६ पुष ४ गते, शुक्रबार १६:४२ मा प्रकाशित
दोस्रो संस्करणको पोखरा प्रिमियर लिग (पीपीएल) टी–ट्वान्टी क्रिकेटमा चितवन राइनोजले लगातार तेस्रो जित निकालेको छ ।
पोखरा रंगशालामा शुक्रबार भएको खेलमा चितवनले एक्पर्ट धनगढीलाई ५२ रनले पराजित गर्दै लगातार तेस्रो जित निकालेको हो ।
चितवनले दिएको १ सय ८२ रनको लक्ष्य पछ्याएको धनगढीले २० ओभरमा ८ विकेटको क्षतिमा १ सय २९ रन मात्र बनायो ।
धनगढीका लागि कप्तान दिपेन्द्र सिंह ऐरीले ४९, रोड्रिगो थोमसले २४, सन्दीप जोराले २१ तथा अमित यादबले १७ रन बनाए ।
चितवनका भुवन कार्कीले ३ विकेट लिए । करण केसी र सन्नी पटेलले २/२ विकेट लिए ।
यस अघि टस जितेर पहिले ब्याटिङ गरेको चितवनले २० ओभरमा ५ विकेट गुमाएर १ सय ८१ रन बनाएको थियो ।
चितवनका लागि आरिफ शेखले अविजित ४७, सन्नी पटेलले अविजित ३२, बाबर हायतले ३६, कप्तान पारस खड्काले २३ र अनिल साहले १९ रन बनाए ।
धनगढीका दिपेन्द्र सिंह ऐरी र अनिल खरेलले २/२ तथा अमित यादवले १ विकेट लिए ।
जितसँगै चितवनले ३ खेलमा ६ अंक जोड्दै तालिकाको शीर्ष स्थानमा रहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
