२ मंसिर २०८१, आईतवार
२०७६ पुष ६ गते, आईतवार १५:५१ मा प्रकाशित
सत्तारुढ नेपाल कम्युनिष्ट पार्टी (नेकपा)ले केन्द्रीय कमिटी बैठक बोलाउने निर्णय गरेको छ ।
मंसिर २९ देखि जारी स्थायी कमिटीको आजको बैठकले पुस २३ गते केन्द्रीय कमिटीको बैठक बोलाउने निर्णय गरेको एक नेताले जानकारी दिए ।
स्थायी कमिटी बैठकले प्रधानमन्त्री तथा अध्यक्ष केपी शर्मा ओली र दाहालले प्रस्तुत गरेको राजनीतिक प्रतिवेदन परिमार्जन गरी सर्वसम्मतिले पारित गरेको छ ।
महासचिव विष्णु पौडेलले विधान संशोधनका लागि गरेको प्रस्ताव स्थायी कमिटीको आइतबारको बैठकले पारित गरेपछि अब केन्द्रीय कमिटीमा यो एजेन्डाबारे थप छलफल हुनेछ।
त्यस्तै, बैठकले अतिक्रमित नेपाली भूमि लिम्पियाधुरा, लिपुलेक, कालापानी लगायत फिर्ता ल्याउन र सीमा विवाद हल गर्न पार्टीले पुनः ठोस पहल गर्नुपर्ने पनि निर्णय गरेको छ ।
यसैगरी, नेकपा केन्द्रीय कार्यालयको आफ्नै भवन बनाउने निर्णय पनि बैठकले गरेको छ । स्थायी कमिटीमा बैठकमा चर्काचर्की परेको विवादास्पद एमसिसी विधेयकको जिम्मेवारी नेकपा सचिवालयलाई दिने निर्णय पनि बैठकले गरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
