१० मंसिर २०८१, सोमबार
२०७६ पुष १६ गते, बुधबार १४:१८ मा प्रकाशित
शहिद स्मारक ए डिभिजन लिग फुटबलमा विभागीय टिम नेपाल पुलिस क्लबले दोस्रो लगातार जित निकालेको छ ।
आज एन्फा कम्प्लेक्स सातदोबाटोमा भएको खेलमा संकटा क्लबलाई २–१ ले पराजित गर्दै पुलिसले लगातार दोस्रो जित निकालेको हो ।
पुलिसका लागि सुमन लामाले एक गोल गरे भने पुलिसले एक गोल आत्मघाती गोलको उपहार पाएको थियो । संकटाका अमित तामाङले किलियर गरेको बलले आफ्नै जाली चुमेपछि पुलिसले उपहार गोल पाएको थियो । संकटाका लागि अमित तामाङले एक गोल गरे ।
खेलको १५ औं मिनेटमा संकटाका अमितले आत्मघाती गोल गर्दा पुलिसले अग्रता बनाएको थियो । १८ औं मिनेटमा अमितले नै पेनाल्टीमा गोल गर्दै संकटालाई खेलमा फर्काए ।
३३ औं मिनेटमा सुमनले गोल गर्दै पुलिसलाई २–१ को जित दिलाए ।
खेलमा पुलिसका लामा म्यान अफ दि म्याच चुनिए ।
जितसँगै पुलिस ४ खेलबाट ७ अंकसहित पाँचौं स्थानमा उक्लिएको छ । पराजित भएको संकटा ४ खेलबाट ४ अंकसहित दशौं स्थानमा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
