१४ मंसिर २०८१, शुक्रबार
२०७६ माघ १६ गते, बिहीबार १४:११ मा प्रकाशित
आर्थिक वर्षको पहिलो ६ महिना सकिएको दुई सातापछि मन्त्रालयले अर्धवार्षिक समीक्षाको तयारी थालेको छ ।
मन्त्रालयले राष्ट्रिय योजना आयोग, नेपाल राष्ट्र बैंकसहित आफ्ना सबै महाशाखा, विभाग र नियमनकारी निकायहरुका प्रमुखहरुलाई आ–आफ्नो निकायको हालसम्मको प्रगति, चालु आर्थिक वर्षमा हुनसक्ने प्रगति र समीक्षामार्फत् हुनुपर्ने संशोधनको बारेका छलफल गरेको मन्त्रालयका प्रवक्ता उत्तरकुमार खत्रीले जानकारी दिए ।
‘हामीले सबै निकायहरुलाई ६ महिनाको प्रगति र खर्चको अवस्था र आगामी छ महिनामा हुनसक्ने प्रगतिबारे तथ्यांकहरु संकलन गरिरहेका छौं । मन्त्रीज्यूले आफू मातहतका निकायहरुलाई बोलाएर अर्थतन्त्र र मौद्रिक क्षेत्रको अवस्थाबारे पनि ब्रिफिङ लिनुभएको छ, अब केही दिनमै अर्धवार्षिक समीक्षा हुन्छ’ खत्रीले भने – ‘२० गतेसम्म पनि हुनसक्छ, ढिलामा यो महिनाको अन्त्यसम्ममा हुन्छ तर फागुन लाग्दैन ।’
अघिल्ला वर्षहरुमा मन्त्रालयले फागुनको अन्त्यतिर मात्रै मध्यावधि समीक्षा सार्वजनिक गर्दै आएको थियो । यो वर्ष भने एक महिनाभित्रै समीक्षा सार्वजनिक गर्नेगरी मन्त्रालय अघि बढेको हो ।
आर्थिक वर्षको पहिलो ६ महिनासम्म सरकारी खर्चको अवस्था २५.८ प्रतिशत मात्रै छ । जबकी यो समयमा ३५ प्रतिशतको खर्च लक्ष्य लिइएको थियो । फागुनसम्म भने सरकारले ५० प्रतिशत खर्च गर्ने लक्ष्य लिएको छ । छलफलमा अर्थमन्त्री खतिवडाले ८ महिनामा ५० प्रतिशत खर्च गर्न प्रधानमन्त्रीले निर्देशन दिएको भन्दै त्यसका लागि आवश्यक व्यवस्था गर्न मातहतका निकायहरुलाई निर्देशन दिएका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
