३ मंसिर २०८१, सोमबार
२०७६ माघ १९ गते, आईतवार १६:१८ मा प्रकाशित
सत्तारुढ दल नेपाल कम्युनिस्ट पार्टी (नेकपा)का केन्द्रीय सदस्यहरुका लागि प्रधानमन्त्रीको सरकारी निवास बालुवाटारमा रात्रि भोज दिइने भएको छ । प्रधानमन्त्री तथा नेकपाका अध्यक्ष केपी शर्मा ओलीले केन्द्रीय सदस्यहरुका लागि आइतबार राति आफ्नो सरकारी निवासमा रात्रि भोज आयोजना गरेका हुन् ।
बुधबारदेखि जारी केन्द्रीय कमिटीको बैठकअन्तर्गत अहिले सदस्यहरुले उठाएका प्रश्नको जवाफ दिने क्रम चलिरहेको छ ।
विभिन्न १५ वटा समूहका तर्फबाट प्राप्त सुझाव र प्रश्नहरुमाथि अध्यक्ष पुष्पकमल दाहाल प्रचण्डले जवाफ दिँदैछन् ।
अध्यक्ष ओली तथा प्रचण्डको तर्फबाट प्रस्तुत भएको राजनीतिक प्रतिवेदनसहित पार्टीको समसामयिक विषयमा केन्द्रीय सदस्यहरुले प्रस्तुत गरेका धारणा र प्रश्नबारे प्रचण्डले जवाफ दिइरहेका छन् ।
यस्तै, संगठनात्मक प्रतिवेदन र विधान संशोधन प्रस्तावमाथि उठेका प्रश्नबारे भने महासचिव विष्णु पौडोलले जवाफ दिनेछन् ।
अध्यक्ष प्रचण्ड र महासचिव पौडेलले जवाफ दिइसकेपछि अर्का अध्यक्ष एवम् प्रधानमन्त्री ओलीले पनि बैठकलाई सम्बोधन गर्ने कार्यक्रम छ ।
प्रधानमन्त्री ओलीको जवाफ पछि आइतबार नै केन्द्रीय कमिटी बैठक समापन हुने छ ।
बैठकपछि केन्द्रीय सदस्य र पार्टीका तर्फबाट संघीय संसदमा प्रतिनिधित्व गर्ने सांसदहरुका लागि रात्रि भोज दिन लागिएको बालुवाटार स्रोतले जानकारी दिएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
