३ मंसिर २०८१, सोमबार
२०७६ माघ २६ गते, आईतवार १४:२८ मा प्रकाशित
प्रमुख प्रतिपक्षी दल नेपाली कांग्रेसले आइतबारको प्रतिनिधिसभा बैठक अवरुद्ध गरेपछि बैठक स्थगित भएको छ। कांग्रेसको अवरोध पछि बैठक मंगलबार १ बजे बस्ने गरी स्थगित गरेको सभामुख अग्निप्रसाद सापकोटाले जानकारी दिएका छन्।
बिहीबारयता काँग्रेसले संसद बैठक लगातार अवरुद्ध गर्दै आएको हो । आइतबारको बैठकमा पनि काँग्रेस सांसदहरु सुरुमै आसनबाट उठेर अवरोध गरेपछि नियमित कार्यसुचीमा प्रवेश नै गर्न नसकेपछि स्थगित गरिएको हाे ।
गत बिहीबार र शुक्रबारको बैठकमा पनि कांग्रेसका सांसदहरुले अवरोध गरेका थिए । अवरोध पछि बैठक स्थगित भएको थियो।
ललितानिवास जग्गा प्रकरणमा कांग्रेसले अख्तियार दुरुपयोग अनुसन्धान आयोगले सरकारको भरमा नेकपाका नेतालाई जोगाएर कांग्रेस नेतालाई फसाएको आरोप लगाउदै निरन्तर विरोध गर्दै आइरहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
