१० मंसिर २०८१, सोमबार
२०७६ माघ २८ गते, मंगलवार ११:०९ मा प्रकाशित
ब्रिगेड ब्वाईज क्लबलाई पराजित गर्दै विभागीय टिम त्रिभुवन आर्मी क्लब शहिद स्मारक ए डिभिजन लिग फुटबलको शीर्ष स्थानमा उक्लिएको छ ।
सातदोबाटोस्थित एन्फा कम्प्लेक्समा आज बिहान भएको खेलमा ब्रिगेड ब्वाईजलाई ३–० ले पराजित गर्दै आर्मी शीर्ष स्थानमा उक्लिएको हो ।
आर्मीका लागि कप्तान भरत खवास, विकास तामाङ र टेक बहादुर बुढाथोकीले एक एक गोल गरे ।
खेलको पाँचौं मिनेटमा कप्तान भरतले गोल गर्दै आर्मीलाई सुरुवाती अग्रता दिलाएका थिए । ५४ औं मिनेटमा विकासले गोल गर्दै आर्मीको अग्रता दोब्बर बनाए । त्यसपछि ७० औं मिनेटमा टेकले गोल गर्दै आर्मीलाई ३–० को जित दिलाए ।
जितसँगै आर्मीले १२ खेलमा २९ अंक जोडेको छ । दोस्रो स्थानको मछिन्द्रको २८ अंक रहेको छ । ब्रिगेड ८ अंक जोडेर १२ औं स्थानमा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
