३ मंसिर २०८१, सोमबार
२०७६ फाल्गुन १ गते, बिहीबार १२:५८ मा प्रकाशित
तत्कालिन माओवादीले जनयुद्धको घोषणा गरेको मितिकै दिन विहीबार नेपाल कम्युनिस्ट पार्टीको मुख्यालय धुम्बाराहीमा अध्यक्ष पुष्पकमल दाहाल प्रचण्डको लय देखिएको छ ।
जनयुद्धको व्याख्या गरेका प्रचण्ड मुख्य अतिथि रहेको कार्यक्रमको नाम श्रद्धाञ्जली सभा राखिएको थियो । प्रचण्डले सम्बोधन गरेको कार्यक्रममा नेता र कार्यकर्ताले गडड् तालि बजाएर त्यो लयलाई अनुमोदन गरेका थिए ।
उनले घाइते र वेपत्ता परिवारलाई सम्बोधन गर्दै अझै पनि जनयुद्धको खत बाँकी रहेको र त्यसलाई पुर्नका निम्ति केही कमजोरी रहेको स्वीकार गरे ।
जनक्रान्तिलाई थाँती राखेर अहिलेको अवस्थामा नआएको भन्दै विश्व राजनीतिको परिवेशलाई हेरेर सहमति, सहकार्य र सम्झौता गरी समस्याको समाधानका निम्ति आएको प्रचण्डको भनाई थियो ।
२०५२ साल फागुन १ गतेबाट सशस्त्र संघर्ष गरेको सम्झनामा तत्कालीन नेकपा माओवादीले फागुन १ लाई ‘जनयुद्ध दिवस’ मनाउने गरेको थियो ।
सभामा उपाध्यक्ष वामदेव गौतम, महासचिव विष्णु पौडेल, सचिवालय सदस्य तथा गृहमन्त्री रामबहादुर थापा ‘बादल’, स्थायी समिति सदस्य प्रदीप ज्ञवाली, पम्फा भुसाललगायत नेता सहभागी भए ।
मदन भण्डारी, जीवराज आश्रितसहित तत्कालीन माओवादी युद्धमा सहादत प्राप्त गरेका सुरेश वाग्ले, रितबहादुर खड्कालगायतलाई माल्यार्पण गरिएको थियो ।
सो क्रममा जनयुद्धमा योगदान गर्ने हरेक योद्धाको भूमिका विशिष्ट रहेको प्रचण्डले बताए । घाइते, अपांगको योद्धाको भ्रातृ संगठनका हिसाबमा नै पार्टीले निर्णय गरेर अघि बढ्ने उनको भनाई थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
