१० मंसिर २०८१, सोमबार
२०७६ फाल्गुन ४ गते, आईतवार ११:२९ मा प्रकाशित
१३ औं संस्करणको इन्डियन प्रिमियर लिग (आईपीएल) को खेल तालिका सार्वजनिक भएको छ ।
मार्च २९ देखि सुरु हुने भारतको बहुचर्चित आइपीएलको तालिका सार्वजनिक भएको हो ।
उद्घाटन खेलमा साविक विजेता मुम्बई इण्डियन्स र चेन्नई सुपर किङ्सबीच प्रतिस्पर्धा हुने भएको छ ।
आईपीएलको लिग चरणको अन्तिम खेल भने मे १७ मा हुनेछ । उक्त खेलमा रोयल च्यालेन्जर्स बैंगलोर र मुम्बई भिड्ने छन् ।
सबै खेल नेपाली समय अनुसार बेलुकापौने ८ बजेदेखि सुरु हुने छन् । यसपटकको आईपिएलको उद्घाटन र फाइनल मुम्बईको वनखेडे स्टेडियममा हुनेछ ।
यस पटक आईपीएल ५० दिनसम्म चल्ने छ । यस अघि ४४ दिन सम्म चल्दै आएको थियो ।
लिग चरणको खेलपछि शीर्ष ४ टोलीले प्ले अफमा स्थान बनाउने छन् । त्यसपछि शीर्ष र दोस्रो टिमबीचको क्वालिफायर विजेता फाइनलमा पुग्नेछ । पराजित हुने टिमले इलिमिनेटर विजेतासँग दोस्रो क्वालिफायर खेल्नेछ । तेस्रो र चौंथो टिमबीच इलिमिनेटर खेल हुनेछ ।
आईपीएलको यस सिजनको फाइनल मे २४ मा हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
