सिरी ए – इन्टर मिलान दोस्रो स्थानमा

एजेन्सी : इटालियन सिरी ‘ए’ मा इन्टर मिलानले जिनोआमाथि सानदार जित निकालेको छ ।

घरेलु टोली जिनोआमाथि ३–० को सानदार जित हात पारेको हो । इन्टरको जितमा रोमेलु लुकाकुले दुई तथा एलेक्सिस सान्चेजले एक गोल गरे । खेलको शुरुवातदेखि नै घरेलु टोलीलाई दवावमा राखेको इन्टरले ३४औं मिनेटमा लुकाकुको गोलबाट अग्रता बनाएको थियो ।

खेलको ८२औं मिनेटमा एलेक्सिस सान्चेजले गोल गर्दै इन्टरको अग्रता दोब्बर पारे । त्यस्तै इन्ज्युरी समयको थप गरिएको तेस्रो मिनेटमा लुकाकुले व्यक्तिगत दोस्रो तथा टोलीका लागि तेस्रो गोल गर्दै इन्टर मिलानलाई ३–० को सानदार जित दिलाए ।

जितसँगै दोस्रो स्थानमा उक्लिएको इन्टरले शीर्षस्थानको युभेन्टससँगको अंक दुरी ४ मा छोट्याएको छ । इन्टरको ३६ खेलबाट ७६ अंक पुगेको छ । एक खेल कम खेलेको युभेन्टसको ८० अंक छ । जिनोआ ३६ अंक जोडेर रेलिगेसन जोनभन्दा एक स्थान माथि छ ।