१० मंसिर २०८१, सोमबार
२०७७ श्रावण १४ गते, बुधबार १२:११ मा प्रकाशित
काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछानेले खेल्ने क्यारेबियन प्रिमियर लिग (सीपीएल) टी(ट्वान्टी क्रिकेटको खेल तालिका सार्वजनिक भएको छ ।सीपीएलले ट्रीनिडाड एन्ड टोबेगोमा अगष्ट १८ बाट सुरु हुने सीपीएलको खेल तालिका सार्वजनिक गरेको हो ।
खेल तालिका अनुसार उद्घाटन खेलमा ट्रीनबागो नाइट राइडर्स र गुएना अमेजन वारिवर्स भिड्ने छन् । यस्तै पहिलो दिन अर्को खेल समेत हुनेछ । जसमा बार्बाडोस ट्राइडेन्ट्स र सेन्ट किट्स एण्ड नेभिस प्याट्रियट्सबीच खेल हुनेछ । फाइनल खेल सेप्टम्बर १० मा हुने प्रतियोगितामा हरेक दिन दुई खेल हुनेछ ।
प्रतियोगिता बन्द रंगशालामा हुनेछ । यस्तै खेलाडी र आयोजकले सरकारको गाइडलाइन पालना गर्नु पर्नेछ । यस सिजन सन्दीपले जमैका तलावाजबाट खेल्ने छन् । जमैका तलावाजले ९० हजार अमेरिकी डलर (१ करोड ८ लाख नेपाली रुपैयाँ) मा अनुबन्ध गरेको हो ।
यो सीपीएलमा सन्दीपको अहिलेसम्म कै सर्वाधिक महँगो मूल्य हो । सन्दीपले यसअघि सेन्ट किट्स एन्ड नाभिस प्याट्रियट्स र बार्बाडोस ट्राइडेन्ट्सबाट खेलेका थिए । कोरोनाका कारण हवाई उडान नहुँदा यस सिजन सन्दीपले खेल्ने र नखेल्ने अझै अन्योलमा रहेको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
