३ मंसिर २०८१, सोमबार
२०७७ भाद्र ९ गते, मंगलवार १३:०३ मा प्रकाशित
काठमाडौँ । प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच आज भेटवार्ता भएको छ । प्रधानमन्त्री निवास बालुवाटारमा दुई अध्यक्ष ओली र प्रचण्डबीच करिब २ घण्टा लामो छलफल भएको प्रधानमन्त्रीका प्रेस सल्लाकार सुर्य थापाले जानकारी दिए । उनले अध्यक्षद्धयबीचको छलफलले भदौ १३ गते ११ बजे सचिवालय बैठक बस्ने निर्णय भएको बताए ।
दुई अध्यक्षबीच आज भएको छलफलमा भदौ ६ गते महासचिव विष्णु पौडेल नेतृत्वको कार्यदलले बुझाएको प्रतिवेदनबारे छलफल भएको थियो । अध्यक्षद्वयले यसलाई प्रस्ताव बनाएर सचिवालयमा पेस गर्ने कार्यसूची छ । अब बस्ने सचिवालयले स्थायी कमिटी बैठकको मिति तोक्ने छ । स्थायी कमिटी बैठक साउन १८ गतेदेखि अवरूद्ध छ ।
पार्टीका वरिष्ठ नेता माधवकुमार नेपाल पीएसओसहित सुरक्षा गार्डलाई कोरोना सङ्क्रमण देखिएपछि होम क्वारेन्टिनमा छन् । १३ गतेको सचिवालय बैठकमा उनी उपस्थित नहुने स्रोतको भनाइ छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
