३ मंसिर २०८१, सोमबार
२०७७ आश्विन २५ गते, आईतवार ०९:०० मा प्रकाशित
काठमाडौंः नेपाली काँग्रेसको आज बस्ने भनिएको केन्द्रीय कार्यसमिति बैठक स्थगित भएको छ । पार्टीका पूर्वकोषाध्यक्ष रामबाबु प्रसाईंको निधनमा भोली पार्टी कार्यालय बन्द गरिने भएकाले बैठक स्थगित गरिएको हो ।
काँग्रेसमा पार्टीका पूर्वपदाधिकारीको निधन हुँदा एक दिन पार्टीको केन्द्रीय तथा जिल्ला कार्यालय बन्द र तीन दिन झण्डा झुकाउने चलन छ । प्रसाईँको निधन शुक्रबार भएपनि शुक्रबार अफिस बन्द नगरिएकोले आज केन्द्रीय कार्यालय र जिल्ला कार्यालय बन्द गरिने भएको हो ।
यसअघि असोज १९ गते तय गरिएको बैठक ७ जना केन्द्रीय सदस्यलाई कोरोना संक्रमण पुष्टि भएपछि स्थगित गरिएको थियो।
बैठकको नयाँ मिति पनि तोकिएको छैन। २५ गतेपछि पनि बैठक कहिले बस्छ भन्ने टुंगो लाग्न नसकेको कांग्रेस मुख्य सचिव कृष्णप्रसाद पौडेलले बताए। उनका अनुसार पार्टीका वरिष्ठ नेता रामचन्द्र पौडेलसहित केही नेता कोरोना पोजेटिभ देखिएकाले आइसोलेसनमा बसिरहेका छन्। सोही कारण बैठक अनिश्चित बनेको उनले बताए।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
