४ मंसिर २०८१, मंगलवार
२०७७ पुष ३ गते, शुक्रबार ११:३३ मा प्रकाशित
काठमाडौं – नेपाली कांग्रेसका प्रवक्ता एवं सूचना, सञ्चार तथा प्रचार विभागका प्रमुख विश्वप्रकाश शर्मा ‘ऐना’ कार्यक्रममार्फत् टेलिभिजनमा आउने भएका छन्। २६ भागको कार्यक्रम ‘ऐना’मार्फत् प्रवक्ता शर्माले नेपाली सामाजिक जीवनका अनेक आयाममाथि बहस गर्न टेलिभिजन कार्यक्रम लिएर आउने भएका हुन्।
बिहीबार काठमाडौंको बत्तिसपुतलीस्थित शिल्पी थिएटरमा आयोजित कार्यक्रममा ‘ऐना’का प्रस्तोताको रुपमा प्रवक्ता शर्माको नाम घोषणा गरिएको हो। ग्लोबल आइएमई बैंकको प्रायोजन रहेको ‘ऐना’ सातामा एकदिन कान्तिपुर टेलिभिजनबाट प्रसारण हुने छ। पत्रकार सम्मेलनमा गायक सुगम पोखरेल र प्रमाेद खरेलको आवाजमा रहेको ‘ऐना’को ‘थिम सङ’ (शीर्षक गीत) सार्वजनिक गरिएको छ। ‘ऐना’का प्रस्तोता घोषणापछि कार्यक्रममा बोल्दै प्रवक्ता शर्माले सामाजिक रुपान्तरणका लागि एउटा नवीन आरम्भका रुपमा ‘ऐना’ कार्यक्रम निर्माण गरिएको बताए। ‘राजनीतिक यात्राका दौरान मैले लिएको जिम्मेवारीबाट प्रश्नको उत्तर दिइरहने ठाउँबाट म प्रश्न सोध्ने जिम्मेवारीमा आएको छु,’ प्रवक्ता शर्माले भने।
सामाजिक र मानवीय मुद्दामा केन्द्रित रहेर कार्यक्रम ‘ऐना’ निर्माण गरिएको छ। कार्यक्रमको छायांकन देशका विभिन्न ठाउँमा गरिएको छ। नेपाली टेलिभिजन क्षेत्रका दिग्गज अगुवाहरूको संयोजन र नेतृत्वमा अलग प्रकृतिको कार्यक्रमका रुपमा ‘ऐना’को निर्माण गरिएको छ। दी होराइजन मल्टिमिडिया प्रालिले निर्माण गरेको कार्यक्रम एक घण्टाको रहेको छन्। ‘ऐना’का प्रोजेक्ट प्रमुख राधाकृष्ण धितालले सामाजिक मुद्दाका मानवीय पक्षलाई जोड दिएर कार्यक्रम निर्माण गरिएको बताएका छन्। कार्यक्रमका निर्देशक अमनप्रताप अधिकारी, र प्रोड्युसर जनक पौडेल रहेका छन्। कार्यक्रमका प्रस्तोता सार्वजनिक गर्नुअघि नाटक ‘ऐना’ मञ्चन गरिएको थियो।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
