प्रतिनिधि सभाको बैठक आज, संसद नियमावली पेश हुँदै

होमल्याण्ड खबर

२०७५ जेष्ठ २५ गते, शुक्रबार ०५:२३ मा प्रकाशित

आज प्रतिनिधि सभाको बैठक बस्ने भएको छ । दिउसो १ बजे बस्ने बैठकमा संसद नियमावली पेश हुने भएको छ । सघीय संसद सचिवालयका अनुसार आज बस्ने वैठकमा संसद नियमावली पेश हुँदै छ । नियमावली पेश भएपछि वैठकमा सो बिषयउपर छलपलका क्रममा सांसदहरुले संशोधन प्रस्तावसमेत पेश गर्ने र नियमावलीलाई आजै पारित गर्ने कार्यसूची रहेको छ ।
सांसद कृष्णभक्त पोखरेलको संयोजकत्वमा गठन भएको प्रतिनिधि सभा नियमावली मस्यौदा समितिले तयार पारेको ‘प्रतिनिधि सभा नियमावली, २०७५’को मस्यौदा दफावार छलफलका लागि संसदमा पेश हुन लागेको हो ।
सत्तापक्षकै सांसदहरुले फौजदारी अभियोग लागेका सांसदलाई निलम्बन गर्नुपर्ने अडान लिएपछि संसद नियमावली संसदमा पेश हुन सकेको थिएन ।
तर नियमावलीको बचाउ गर्दै कानुन, न्याय तथा संसदीय मामिला मन्त्री शेरबहादुर तामाङले भने फौजदारी अभियोग लागेका सांसदलाई पूर्पक्षका लागि थुनामा राखेपछि उसको पद निलम्बन हुने कुरालाई अन्यथा ठान्न नहुने टिप्पणी गर्दै आएका छन् ।
यता, प्रमुख प्रतिपक्ष नेपाली कांग्रेस र राष्ट्रिय जनता पार्टी, नेपालले भने पूर्पक्षका लागि थुनामा राखिएका सांसदलाई अभियोग पुष्टि नभएसम्म निलम्बन गर्न नहुने अडान राख्दै आएका छन् ।

सम्बन्धित खबर

लैङ्गिक हिंसा रोकथाम गर्न मन्त्रालयको सक्रियता

प्रदेशसभा सदस्य गौचनको निधनप्रति कांग्रेसद्धारा दुःख व्यक्त

रुपन्देहीमा रवि लामिछानेसँग तेस्रो दिन पनि बयान जारी

न्याय सेवाका ५ उपसचिवसहित ४४ अधिकृतको सरुवा

८ करोडको लागतमा त्रिशूलीमा नयाँ पुल निर्माण

आज पनि ह्वात्तै घट्यो सुनको मूल्य, कतिमा हुँदैछ कारोबार ?